Kia Sonet DCT vs Nexon AMT, Venue iMT, Magnite CVT Kiger, Vitara Brezza Torque Convertor Urban Cruiser Hindi

Namashkaar doston! CarComparos mein aap ka swagat hain, main hoon aap ka dost xyz aur aaj hum aapke saath phirse upasthit hain ek khaas tulana ke saath. Aaj hum Bharatiya market mein milne waale tamaam Automatic Gearboxes ki tulana karenge aaj-ki sab-se lokpriy shreni - yane ke sub-four-meter SUVs ka udaharan le-ke. Iss shreni mein aap ne alag-lag gaadiyon mein, alag-alag prakaar ka automatic transmission dekha hoga. Brezza, Sonet-diesel aur Urban Cruiser mein paarampaarik-torque-convertor mil raha hain, Nexon aur XUV-three-double-oh mein sasta-sa AMT milta hain, Venue aur Sonet-petrol mein semi-automatic iMT uplabdh hain aur Nissan ki Magnite mein CVT maujood hain. Lekin inmein se sab-se smooth gearbox kaunsa hain? sab-se tej gearshift kaunsa gear-box karta hain? sab-se jyada mileage kaunsa gearbox de-sakta hain aur lambi daud mein sab-se jyada tikau aur low-maintenance gearbox kaunsa rahega? In saare sawaalon ka jawaab paane ke liye, dekhte rahiye CarComparos ka ye vistrit comparison video...

Lekin, pehle jaan lein ki yeh gearbox hota kya hai? 

Gearbox, aapki gadi ko payyon se jodnewala ek yantra hota hai. Gear ke sahi chunnav se aap gadi ko dheemi gati, tez gati, chadh utaar ityadi par aasani se chala sakte hain. Injun ke gati aur takad ki jyo seemaen hoti hain, inko gearbox safalta se, kahiye, tod deta hai.

Gearbox me alag alag gears hote hain jyo sahi samay par istemaal karne se gaadi ki gati yani speed aur takad yaani power, in donon ka sahi upayog kar sakte hain.

Gati jab kam ho ya chadhaav zyada ho, ya gaadi mein bhaari samaan bhara ho, to nichla gear istemaal hota hai (jaise ke pehla aur doosra) aur jaise gati badhti hai ya raaste ke chadhaav kam hote hain tab upri gearon ka istemaal hota hain, (jaise ke teesra, chautha, paanchwa aur aaj kal kayi baar chatha bhi gear hota hain).

Jag mein, aur zyada karke apne desh mein ‘manual’, yani driver se chalayi hui gearboxes payi jati hain. Inke mukhya phaydon mein sabse zyada phayda hota hai to who hai average ka. Inka maintenance bhi kuch anya gearboxed se kam hota hai aur yeh sabse mazboot mani jati hai.

Lekin yeh tha waqt jab traffic kam hua karta tha, rahon par gaddiyan bhi kam thi aur log gaddi se zyada traivel bhi nahin karte thay. 

Jaise traffic badhte gaya waise gaadi chalana mushkil hote gaya. Bar bar clutch dabao, gear badlo wala kaam dard-dayak hone laga. Yeh clutch dabao, gear badlo ki prakriya gadi chalane wale ko thakaane lagi, zyada karke shahar, matlab city driving mein. 

Arre yeh gaadi gear badle bina kyun nahi chal sakti!!??

Haan, yeh bhi mumkin hai bhai!!

Atomatic gearboxein yahi toh kaam karti hai! Aap bas accelerator ka chamcha dabaao aur rukna ho to brake ko dabaao. Sabkuch itna asaan bhi ho sakta hai!

Automatic gearbox waali gadiyon mein clutch ka pedal hota hi nahin hain. Jab aapko gadi mein zyada takad yani power chahiye, ya phir aur tezi yani speed chahiye to bus accelerator ko dabaiye aur jab gati dheemi karni ho ya gaadi rokni ho toh accelerator ka pair hatakar brake wala pedal daba deejiye.

Chaliye, ab jaante hain ki yeh sab kuch mumkin kaise hota hain! Atomatic gearbox kitne prakaar ki hoti hain aur apne desh mein kaun kaun si gadi mein kaun si atomatic gearbox ka istemaal hota hain. Aur bhi, inke phayde kya hote hain aur kamiyan bhi kya hoti hain.

Apne desh main atomatic gearbox mein ke zyada karke paanch prakaar istemaal hote hain.

Sabse aasaan aur sasta hota hain iMT

Isko ato clutch kehte hain ya phir ise kuch log semi atomatic yaani aadha atomatic bhi kehte hai. Iski gearox toh manual hoti hai par clutch atomatic hota hai. Isme clutch pedal nahin hota. Jaise hi aap gear ki dandi ho haath lagao, clutch chal jaata hain. Aapko bas kaunsa gear chahiye usmein gadi ko daalna hota hai, yani gear ke dande ko us gear ke number ki jagah par dhakelna hota hain. Bus, clutch apnea ap dabta hain, aur gear chuna jaane ke baad apnea ap choot bhi jaata hain.

Gaadi ko rokna ho toh sirf brake ko dabaana hota hai.

Ismein bus pareshani thodisi itni ki gaadi mein baithe logon ko gear ke badalte waqt halka sa dhakka mehsoos hota hain. Yeh ab paayi jaati hain Hyundai ki Venue SUV mein.


Doosra hai AMT yaane atomated manual transmission. Yeh sach mein semi atomatic, yani aadhi atomatic hoti hain. 

AMT mein toh apna seedha saadha gearbox bhi hota hain par usko chalane wala yantra bhi lagaya jata hain jyo iska chutch apne aap hi chalata hai aur gati ke hisaab se gear bhi apni akalmandi se badalta hain. Isme ek semi ato ka bhi mode hota hai jisme aap gear chahe tab badal sakte hain bus dandi ko upar ya neeche ki taraf halka dhakel kar. 

 Is gearbox ka sabse zyada istemaal Maruti mein paaya jata hai. Jaise -, 

Maruti ki Celerio, Wagon R, Espresso, Swift, Ignis.

Anya hai-

Hyundai ki nayi Santro, Nios aur Aura. 

Tata ki Tiago, Tigor aur Nexon aur ab na payi jaane wali Nano.

Mahindra ki Nuvo Sport aur XUV 3OO

Renault ki Kwid aur Triber, Datsun ki Redigo

Atomatic ka sabse aasaan trika ismein paya jaata hai. Is prakar ki atomatic gearbox mein sabse achchi fuel economy yaane mileage milti hai lekin isme bhi iMT jaisa halka dhakka mehsoos hota hain. Jab city traffic mein gear baar baar badalta hain, tab baar baar dhakka lagne se kuch logon ko yeh pasand nahi aati par sabse sasti atomatic aur sabse zyada milage dene wali hone ke kaaran yeh apne logon mein mashhoor hain.


Teesra hai DCT ya DSG ya Dual Clutch Gearbox.

Yeh gearbox, technology mein bahut adhunik maana jaata hai. Isme dry aur wet prakaar ki gearbox payi jaati hai. Iska sabse bada phayda ye hai ki isme gear badalne ki prakriya bahut jaldi hoti hai. Jab gadi ek gear mein hoti hai tabhi upar wala aur neechewaala gear bhi ghoomte huwe apne aap ko taiyaar rakhte hai. Yeh gearbox zyadatar tez gadiyon me paya jata hai. Isme ek semi ato ka bhi mode hota hai jisme aap gear chahe tab badal sakte hain bus dandi ko upar ya neeche ki taraf halka dhakel kar. Isne sabse adhik 7 gear wali gearbox famous hai. Yeh kafi mehenga hota hai.

Yeh Gearbox payi jaati hai-

VW Vento, Skoda Superb, Jetta, Rapid

Hyundai Tucson, Nayi i-20, Venue, Hyundai Creta

Kia Sonet, Kia Seltos

Ford Figo, Aspire

VW Polo me bhi yeh payi jaati thi par unhe shayad kafi warranty issue aye aur ab nayi Polo me unhone Dual Clutch ki jagah purani Torque Converter wali gearbox lagayi hai.

Hyundai Venue me bhi yeh gearbox garam hokar kaam karna band kar deti hai aisa sunne me aya hai. Technology me sabse aage hokar bhi agar yeh gearbox sach mein fail hoti hogi toh isse shayad door hi rehna achcha hoga.


Chautha hai CVT yani Constinuously Variable Transmission.

CVT zyada karke Japani gadiyon me payi jati th. Ab yeh jag bhar mein dikhta hai. CVT mein apni Honda Activa ki tarah do payyon ko chain sechalaya jaata hai. Ek payya injun se juda hota hai toh doosra paye ki taraf. In donon ka trijya badalkar gadi ka speed badla jaa sakta hai. Yeh trijya hamesha badalkar hi gear badalneka kaam hota hai isliye isme asal mein koi gear badalta hua mehsoos hi nahin hota. Agar aapko gear chunne ka maza chahiye toh isme pedal shifter hote hain jyo aapko kisi pehle se tay kiye trijya par le jaate hain. Ye gearbox bhi bahut achcha mileage deta hain magar iski bhi kuch kamiyaan hain.

Chain ke hone ke karan yeh bahut aawaaz karti hai. Continuous hone ke karan yeh gear badalne wala zhatka nahi deti jiske karan logon ko lagta hai ki unki gadi ‘pick up’ mein tez nahi hai. Ise ‘rubber band effect’ ke naam se jaana jata hai.

Is gearbox se zyada power ‘tansmit’ nahi kar sakte jaise ki dual clutch wali kar sakti hai. Isi liye jad dual clutch gearbox tez gadiyon me istemal ki jaati hai, CVT waali gearboz tez gadi me istemaal nahi hoti.

Yeh gearbox paayi jaati hai-

Nissan Sunny, Micra (jyo ab band hui), Magnite

Suzuki Baleno

Honda Jazz, Amaze.


Paanchwaa aur sabse purana aur jag mein sabse jyaada chalne wala hai Torque Converter wala gearbox.

Is gearbox mein planetary gears hote hain jyo band brakes se control kiye jate hain. Is gearbox ko fluid clutch gearbox bhi kaha jaata hai kyunki ism eek band kara hua pump aur turbine wala mechanism hota hai. Injun ki taraf se chalaya jaane wala impeller tel ko turbine ki taraf zor se bhejta hai. Yeh tel turbine ko ghumata hai jyo gearbox se juda hota hai. Jab gaadi ruk jaati hai tab yeh tel sirf goomte rehta hai aur jaise hi brake se pair nikalo, phirse turbine ko ghumaane lagta hai. Isi karan jab gear bhi badalte hai tab gadi me baithe logon ko mehsoos bhi nahin hota. Sabse purana hone ke karan yeh gearbox sabse tagda bhi ban chuka hai. Sab gadiyon ki companiyon ne ispar kaam kiya hai. He Dual Clutch ki tarah kaafi complicated hai magar iska failure bahut kam hota hai. Isme torque converter ke karan hone wali ‘slip’ ke karan yeh dual clutch se power wali gadiyon me peeche reh jaata hai aur isme mileage bhi bahut kam milta hai. Yeh bahut mehenga bhi hota hai.

Iska istemaal:


Nayi VW Polo (6 speed), Vento

Tata Harrier, Hexa (ab band hui)

Ford Ecosport

Toyota Fortuner, Innova.


Toh sajjanon, yeh thi hamari koshish, aap ko apne desh mein paayi jane wali atomatic gearbox ke baare mein jaankari dene ki. Aap ko chunna hai kia ap mileage chahenge, keemat dekhenge, performance aur technology dekhenge ya chalane ki aasani ya bharosemand gearbox chahenge.

Umeed hai ki aapko hamari yeh koshish dilchasp lagi aur isse aapko kuch madad bhi hogi.

ThrottleStore:

Doston aaj ThrottleStore ki taraf se khaas CarComparos darshakon ke liye, unke saare tshirts, hoodies, keychains, masks aur stickers pe pachiss pratishat ka discount offer, hum aap ke liye le kar aaye hain. ThrottleStore pe aap apni pasandeeda gaadiyon ke design waale products khareed sakte hain aur wo bhi sab-se kifayati daam mein. Unki ek jhalak yahan aap ke screen par pesh hain. Iss limited period offer ka laabh uthaane ke liye, video ke oopar-sthit i-button par click kijiye ya phir video ke neeche, description mein di-hui link par click kijiye aur C.C.T.S.Twenty-five promo code istemaal kijiye


OfferS:

Doston aaj khaas CarComparos darshakon ke liye, Tata Motors apni Nexon aur Tiago pe chaalis-hazaar rupay tak ka discount de raha hain, jiski link aap ke screen par maujood ‘i-button’ mein, aur video ke neeche sthit description mein maujood hain. Agar aap Verna ya Venue khareedna chahte hain toh iss avsar ka jaroor laabh uthayiye.