Tata Tiago Special Discount Offer

 ₹25,000 OFF on Tata Tiago

Click on the above image to get even more Discount on Tata Tiago or click here 

Namashkaar doston! CarComparos mein aapka swagat hain. Aaj hum Tiago ki nayi special-edition - yane ke Tiago Wizz aur uske samaan keemat mein milne waale ‘normal-Tiago’ models, jo hain XZ aur XZ-O se tulana karenge! Wizz mein ‘orange’ rang ke purjon ke alava kuch extra-features bhi milte hain? Ya phir usse sasti Tiago XZ mein Wizz se jyada features milte hain? Itna hi nahin, Wizz se sirf athara hazaar rupay jyada de kar Tiago ka XZ-O model aaj mil raha hain, yane ke sirf sade-teen-sau rupay jyada EMI pe, ache-ache features waali gaadi lene mein jyada samajhdaari hain? In saare sawaalon ka jawaab paane ke liye, dekhte rahiye, CarComparos ka TIago Wizz vs Tiago Comparison..

1. Tiago Wizz vs Tiago XZ Keemat aur Features:Tiago Wizz ki keemat Tiago XZ se chaar hazaar rupay mehengi hain, on road dilli. Lekin aisa bilkul mat sochna ke orange-rang ki Tiago ke Mirrors nikaal ke silver colour ki Tiago XZ pe laga diye aur ho gayi Tiago Wizz, uske liye chaar hazaar rupay jyada kyon dene? Lekin gaur se dekhoge tab pata chalega ke orange-purjon ke alava, Tiago Wizz mein XZ-O jaisi full-fabric seats milti hain, XZ-plus jaise silver-finish air-con vents milte hain aur XZ-plus Dual-tone model jaisa black-roof milta hain. Iklaute black-roof ki wajah se XZ-plus-dual-tone, Single-tone-XZ-plus se saat hazaar rupay mehengi hain, kyonki wah Paint-line pe dobara bhejni padti hain. Full-fabric-seats ki keemat bhi Tiago-XZ ke semi-vinyl seats se lagbhag do-teen hazaar mehngi hain aur silver-finish AC-vents lagbhag paanc-sau rupay jyada. Kul milakar Tiago Wizz mein das-bara-hazaar rupay ka maal-masala laga-hua milta hain, lekin keemat Tiago XZ se sirf chaar-hazaar rupay mehengi hain. Toh moolya ke hisaab se Tiago Wizz faayde ka sauda hain, iss baat mein koi sandeh nahin. Lekin yahan par kahaani khatam nahin hoti, kyonki Wizz se das-hazaar rupay jyada de-kar Tiago-XZ-O mil jaati hain, jismein teen-chaar upyukt features milte hain, jinke baare mein hum aap ko aage batayenge...

Doston aaj Tata Motors, khaas CarComparos darshakon ke liye, Tiago aur Wizz dono pe tees-hazaar rupay tak discounts de rahe hain, jiski link yahan, pe di hui hain. Tiago khareedna chahte ho, toh ye iss avsar ka jaroor laabh uthayiye.

2. Tiago Wizz vs Tiago XZ-O Keemat aur Features:Tiago ka XZ-O model, Tiago Wizz se lagbhag das hazaar rupay mehenga hain, on road Dilli. Lekin XZ-O model mein aap ko Rear-Washer, Wiper aur Defogger, Height Adjustable Driver’s Seat aur Touchscreen waali Infotainment System milti hain, jo Tiago Wizz mein nahin milti. Ye teeno features behat upyukt hain aur agle paanch saat saal aap ke bade kaam ayenge. Tiago ka dashboard kaafi ooncha hain, chalak ko bonnet bhi nahin dikhta. Isliye Height Adjustable Seat hona behat upyukt saabit hota hain, khaas kar chote kadd ke chalakon ke liye. Tiago jaisi hatchback mein, baarish ke mausam mein Rear-Windshield pe kaafi keechad aata hain, Isliye Rear Wash-Wipe se kaafi faayda hota hain. Aur rahi baat touch-screen ki,toh aaj paanch laakh mein on road milne waali Kwid-aur-Spresso mein ye feature aaya hain aur grahakon mein izzat ka sawaal ban chuka hain!

Antim Nirnay:
Toh doston, agar aap Tiago XZ khareedne ki soch rahe the, toh uske bajay Wizz khareedna saaf-saaf behtar paryaay hain, kyonki sirf chaar hazaar rupay jyada de-kar aap ko jyada aakarshak gaadi milti hain. Lekin ek baar khareedi hui gaadi aap agle chaar-paanch saal toh jaroor istemaal karoge, ye dekhte hue, XZ-O khareedna kai guna behtar nirnay saabit hoga. Sirf das hazaar rupay jyada de-kar aap ko teen mahatwapoorn features extra milte hain. Mana ke ye features aap gaadi khareedne ke baad bhi Tiago Wizz mein laga sakte ho, lekin uska kharcha pacchis hazaar rupay ke oopar chala jayega. Uske bajay gaadi khareedte waqt ye features dene waala XZ-O model khareedna badhiya vikalp hain. Humari raay mein toh Tiago XZ-O iss tulana ki saaf-saaf vijeta hain doston.

Agar aap ko nayi Tiago ya Tiago Wizz ki anya gaadiyon ke saath comparison video dekhne mein dilchaspi hain toh neeche diye hue video ko like karein. Humare naye videos ka notification paane ke liye hamare youtube channel ko ‘subscribe’ karein. Aur aapki pratikriya darj karne ke liye video ke neeche diye gaye comments section ka upyog karein. DHANYAWAAD!


Comments

CareOCar.com - Ultimate Tyre Resource

More from CarComparos