Swift vs Baleno Hindi Comaprison Review New 2017 maruti

Maruti-Suzuki Swift Vs Maruti-Suzuki Baleno:



Aaj hum aap ke liye le kar aaye hain nayi Swift aur Baleno ki vistrit tulana.

Toh doston aaj hum aapko ye batayenge ke dono gaadiyon ki mein, unke features mein kya fark hain, dono mein se kaunsi gaadi mein jyada andruni jagah aur comfort hain, kaunsi gaadi jyada tez hain, kiska mileage acha hain, kis gaadi ki pakad aur santulan behtar hain, aise saare sawaalon ka jawaab paane ke liye, dekhte rahiye CarComparos ka Baleno vs Tiago Comparison Video…

Humare aane waale videos ka, aap ke mobile pe, turant notification paane ke liye, humare channel ko subscribe kar ke, iss bell icon pe click karna na bhoolein.

Mileage:
Nayi Swift ke manual athwa automatic petrol models ka ARAI mileage hain baiis kilometre prati litre. Baleno ke petrol-manual athwa automatic models ka mileage hain ikkis dashamlav chaar kilometre prati litre. Lekin humare vishleshan ke dauraan dono gaadiyon ke mileage mein humein bilkul bhi fark nahin mila.

Swift diesel ke manual athwa automatic models ka ARAI mileage hain atthais dashamlav chaar kilometre prati litre aur Baleno diesel-manual ka sattais dashamlav chaar kilometre prati litre.

Pick-up aur Smoothness:
Dono gaadiyon ke petrol models mein Suzuki ka lajawaab K12 petrol engine aur Fiat ka mashoor Multijet diesel engine maujood hain. Dono gaadiyon ke wajan mein bhi kuch khaas fark nahin hain. Swift Baleno se sirf paanch-das kilo halki hain. Is wajah se dono gaadiyon ke pick-up mein bilkul bhi fark nahin hain. Dono ke petrol models ka low-rpm pick-up thoda kamjor hain, par high-rpm par bahut hi acha hain. Smoothness lajawaab hain aur yah engine tezi se revs pakadne ke liye mashoor hain.

Diesel mein turbo-lag ki samasya hain, yane ke do hazaar rpm ke neeche aap ko bilkul bhi acha pick-up nahin milta. Magar high-rpm par bahut hi tagda pick-up mil jaata hain, jo highway par overtaking karte waqt kaam aata hain. Smoothness ke maamle mein diesel models mein sudhaarna ki jaroorat hain, khaas kar Grand i10 aur Elite i20 diesel jaise pratispardhiyon ki tulana mein diesel engine ka awaaz aur vibration kaafi jyada hain.

Lekin Swift aur Baleno mein ek bada fark ye hain, ke Swift mein AMT prakaar ka automatic gearbox diya hua hain aur Baleno mein CVT prakaar ka. Baleno ka CVT Swift ke AMT se thodasa jyada smooth toh hain, lekin usmein rubber-band effect ki samasya hain, yane ke highway par overtaking karne ke liye jab aap accelerator dabate ho, tab sirf engine ka rpm turant badh jaata hain, lekin gaadi ki raftaar toh badhti hi nahin. Iske viparit AMT mein overtaking karte waqt gaadi apne aap nichla gear chun leti hain, aur agar aap chaho, toh use 'manual' mode mein daal kar khud se bhi nichla gear chun sakte hain. Toh iska matlab AMT, CVT se ek laakh rupay sasta hone ke bawajood, kul milakar usse behtar paryaay bhi hain. Baleno diesel mein filhaal toh koi automatic model uplabdh nahin hain, lekin Swift diesel mein bhi AMT automatic gearbox uplabdh hain. Wah petrol AMT jitna smooth nahin hain, lekin Dzire aur Ignis ke diesel AMTs se kaafi acha hain.

Petrol:
Power (PS): Swift – 83@6000, Baleno - 84@6000
Torque (Nm): Swift – 113@3500, Baleno - 115@4000
Weight (kg): Swift – 865, Baleno - 875
Power to weight: Swift - 96, Baleno - 96
Torque to weight: Swift – 131, Baleno - 131

Diesel:
Power (PS): Swift - 75@4000, Baleno - 75@4000
Torque (Nm): Swift - 190@2000, Baleno 190@2000
Kerb Weight (kg): Swift - 965, Baleno - 970
Power-to-weight: Swift - 77, Baleno - 77
Torque-to-weight: Swift - 196, Baleno - 196

Andruni jagah aur Comfort:
Baleno Swift se saaf saaf lambi aur chaudi gaadi hain. Toh jaahir hain ke Baleno ke andar Swift se kaafi jyada andruni jagah uplabdh hogi. Dono gaadiyon ke front seats kaafi bade aur araamdaayak hain. Dono gaadiyon ke rear seat pe teen yaatri baith sakte hain, jo purani Swift mein mumkin nahin tha. Lekin Baleno ki pichli seat mein Swift se kaafi jyada knee-room, leg-room aur should-room maujood hain. Swift ka do-sau-adsath litre ka boot bhi purani Swift se kaafi bada hain, lekin phir bhi Baleno ke teen-sau-untalees litre boot se kaafi chota hain

Suzuki ne Swift ke interiors ka design Baleno se thodasa behtar jaroor kiya hain, lekin abhi bhi Hyundai ki gaadiyon jitna khaas nahin kar paaya hain.

Bootspace: BALENO - 339, Swift - 268

Length: Baleno - 3995, Swift – 3840
Width: Baleno - 1745, Swift – 1735
Height: Baleno - 1505, Swift – 1530

Pakad aur Suspension:
Baleno ka wheelbase, yane ke agle air pichle payyon ke beech ka antar Swift se sattar mm jyada hain. Baleno ka track, yane ke daaye aur baaye ke payyon ke beech ki doori bhi Swift se jyada hain. Oopar se Baleno ke tyres bhi Swift se chaude hain. Iss wajah se Baleno ka santulan Swift se thodasa behtar hain. Baleno gaddhon aur speed breakers ko bhi Swift se thodisi behtar sokh leti hain, lekin phir bhi Grand i10, Figo ya Tiago jitni nahin.

Dono gaadiyan badi chusti aur phoorti se dishabadal karti hain, aur modhon par chalane ke liye kaafi mazedaar lagti hain.

Ground Clearance: Baleno - 170 (unladen), Swift – 163 (unladen)

Wheelbase: Baleno - 2520, Swift – 2450

Tyre Size: Baleno - 195/55R16 or 185/65R15, Swift – 185/65R15 or 165/80R14

Quality aur maintenance:
Pichle tees saal mein Suzuki ne unki gaadiyan kitni tikau aur bharausemand hoti hain, ye saabit kar diya hain. Maruti ki service bhi adhiktar prastispardiyon se behtar hain. Maruti ke teen hazaar se adhik service centres ke vistaar ki badaulat desh ke kisi bhi kone mein aap ko Maruti ke service centre mil jaate hain. Iska asar second hand market mein saaf saaf dikhai deta hain, jahan paanch-saat saal ke istemaal ke baad bhi ye dono gaadiyan aap ko second hand market mein behtareen keemat dilayegi.

Agar aap ko nayi Swift ya Baleno ki anya gaadiyon ke saath comparison video dekhne mein dilchaspi hain toh like karein. Humare naye videos ka notification paane ke liye ‘subscribe’ karein. Aur aapki pratikriya darj karne ke liye neeche diye gaye comments section ka upyog karein. DHANYAWAAD!




































Comments

CareOCar.com - Ultimate Tyre Resource

More from CarComparos